Teams

About the team

Na All Blacks sa ikoya na timi ni rakavi tagane rawaka ka kilai vinaka evuravura ena veitaba gauna ka toka na nona rawaka ena 77.41% ni sivia e 580 na sotasota lelevu (1903-2019).

 Mai na gauna a qitotaka kina na imatai ni nodra Valataki vanua ena 1903, sa mai soqona rawa kina na All Blacks e levu na icocovi ka tukuni ni dua vei ira na timi toso vinaka duadua ena yalava ni qito cava ga. Na All Blacks sa imatai ni timi ni rakavi me qaqa ena 500 na Valataki vanua ka toqa na yacadra ena tolu na sotasota ni Rakavi ni Vuravura, ka taura na qaqa ena 2011 kei na 2015, me ikuri ni imatai ni Bilo era ratou a rawata ena 1987. Era sa qaqa talega ena 10 mai na 16 na Tri-Nations, ka ono vei ira na vitu na qito ni Jabeni ni Rakavi ka taura tu na bilo ni Bledisloe me 17 na yabaki (2003-2019).

E kilai e vanua tani na cavu isausau ni timi, ni a qaqa ena va mai na ciwa na sasaga ena ilakolako ni qito na Grand Slams ena 1978, 2005, 2008 kei na 2010. Ni oti na nona taura vakarua na Bilo ni Qito Rakavi e Vuravura ka vakayacori e Niusiladi ena 1987 kei na 2011, na All Blacks a vakadruka na timi Ositerelia ena 2015 ena qito mai Twickenham me rawata ena imatai ni itutu ena taudaku kei Niu Siladi.

Tekivu mai na Okotova ni 2003, ena gauna e tauyavutaka kina na Rakavi ni Vuravura e dua na ivakarau ni tuvai ni tutu, ea taura tu na All Blacks na naba dua me sivia e 80% na gauna. Mai na 2009 ki na Tiseba 2018, e taura tu na All Blacks na naba dua ena iTutu ni Rakavi e Vuravura.

E a taura talega vakaveitaravi na Timi ni Rakavi ni Vuravura ni Yabaki me vakavitu mai na 2010-2016.

Me baleta na itukutuku taucoko kei na vakadidike kiliki eke