Ngā Kapa
Ngā Kapa, Ngā Whārangi Kaitākaro, Ngā Karere o te wā me ngā Ataata
Ōpango
Next match
Ngā Tatauranga ā-tau
Ngā Tatauranga ā-tau
Hē kōrero mō te kapa
Ko ngā Ōpango te kapa ā-ao angitū rawa i te tākaro whutupōro tāne, ko tō rātau ōrautanga toa ko te 77.41% i ngā tukinga 580 (1903-2019).
Nō tā rātau tukinga tuatahi i te tau 1903, kua kohia e ngā Ōpango ngā tohu toa tini, ā, e kīia nei ko rātau tētahi o ngā tino kapa hākinakina i ngā momo hākinakina katoa. Ko ngā Ōpango te kapa tuatahi ki te toa e 500 ngā tukinga, ā, e toru katoa ā rātau Kapu Whutupōro o te Ao, i toa rātau i te tau 2011 me te tau 2015, ka tāpiri ai ki tā rātau kapu tuatahi i te tau 1987. Kua toa hoki i a rātau 10 o te 16 ngā kapu Tri-Nations, e ono o te whitu ngā Rugby Championships, ā, kua pupuri hoki rātau ki te Kapu Bledisloe mō ngā tau 17 (2003-2019).
Ko tō rātau angitū ki tāwāhi me kōrero, kua papatū rātau e whā o te iwa ngā haerenga Grand Slam i te tau 1978, 2005, 2008 me te 2010. I muri i tō rātau toa i ngā kapu o te ao i te kāinga i te tau 1987 me te 2011, i turaki ngā Ōpango i a Ahitereiria i Twickenham kia toa ai i a rātau tō rātau taitara tuatahi ki waho atu o Aotearoa.
Nō te Oketopa 2003, te wā i whakaritea te kauwhata toa e World Rugby, kua noho ngā Ōpango ki te tūranga tuatahi mō te 80% o te wā. Nō te tau 2009 ki te Tīhema o te tau 2018, i noho ngā Ōpango ki te taumata o te kauwhata World Rugby.
I riro hoki i te kapa nei te taitara World Rugby Team of the Year e whitu karapīpiti ngā wā nō te tau 2010 ki te tau 2017.
For all your in-depth stats and analysis Click Here