Teams

O ‘au, Fa‘amatalaga o tagata ta’a’alo, Tala Fou ma Ata

All Blacks Ta’ito’afitu

About the team

O le All Blacks Sevens, o se tasi nei o ‘au ua fa’amanuiaina i ta’aloga a le ta’ito’afitu o le lalolagi; e māsani ona tauvā i tauvaga a le World Rugby mo Ta’amilosaga a le Ta’ito’afitu o le Lalolagi, ma e fa’asefulu ma le lua ona manumālō ai lenei ‘au.

O le All Blacks Sevens, ua fa’atolu ona ‘ūmia le Ipu o le Lalolagi mo le Ta’ito’afitu, i le 2001, 2013 ma le 2018, fa’aopoopo ai ma le fā o pine auro mai le Ta’aloga o le Taupulega.

O le All Blacks Sevens, sa mua’i fili le ‘au i le 1973, ma o le ulua’i taimi sa ‘auai le ta’amilosaga tele fa’avāomālō, o le tausaga 1983 – i le ta’amilosaga ta’uta’ua o le ta’ito’afitu i Hong Kong.

E fa’alima ona maua e tama ta’a’alo a le All Blacks Sevens le fa’ailoga o le Tama Ta’alo o le Tausaga a le World Rugby. O tama nei: Afeleke Pelenise (2007), DJ Forbes (2008), Tomasi Cama (2012) ma Tim Mikkelson (2013). O DJ Forbes na fa’atū se matāti’a fou mo le tama ta’alo ua tele ni ta’aloga, ina ua 89 ta’amilosaga sa ‘auai ai, ‘ae le’i mālōlō-ritaea i le fa’ai’uga o le 2017.