Teams

O ‘au, Fa‘amatalaga o tagata ta’a’alo, Tala Fou ma Ata

All Blacks

Next match
Event text Event text
00 DAYS: 00 HOURS: 00 MINS 00 SECS
View All Fixtures & Results

About the team

O le All Blacks o le ‘au a ali’i ua sili ona lauiloa i le tele o ta’aloga na manuia ai i ta’aloga fa’avāomālō (test matches), e 77.41% o ta’aloga ua manumālō ai, mai ta’aloga fa’avāomālō e 580 (1903-2019).

Mai lava i le ulua’i ta’aloga i le 1903, ua tele fa’ailoga ua maua, ma ua iloga o se ‘au mālosi, e lē gata i le lakapī, ‘ae fa’apenā fo’i ma isi itu’āiga ta’aloga. O le All Blacks o le ‘au muamua ua āusia ma manumālō i ni ta’aloga fa’avāomālō (test matches) e 500; ua fa’atolu ona tusia le igoa i le Ipu o le Lalolagi mo le Lakapī, ina ua manumālō i tausaga o le 2011 ma le 2015, e fa’aopoopo iai i le ulua’i siamupini i le 1987. Ua fa’asefulu mai ta’amilosaga e 16, ua lātou manumālō ai i le ipu o le Tri-Nation; e fa’aono mai ta’amilosaga e fitu, ua manumālō i le ipu o le Rugby Championship; ma e 17 tausaga o lo’o ‘ūmia pea le Bledisloe Cup, mai le 2003-2019.

Ua iloga fo’i le fa’amanuiaina o le ‘au pe a malaga atu i fafo, ina ua fā ta’aloga ua manumālō ai mai le iva o Grand Slams (ta’aloga ma mālō ta’itasi o Peretānia) i le 1978, 2005, 2008 ma le 2010. Ua manumālō fo’i le Ipu o le Lalolagi mo le Lakapī i ona laufanua i le 1987 ma le 2011, ma na fa’ato’ilalo fo’i e le All Blacks le ‘au a ‘Ausetālia i le 2015, i le sa’iliga siamupini i Twickenham (Egelani), ma o se taimi muamua lea ua manumālō ai le All Blacks lenei ipu, i fafo atu o Niu Sila.

Mai ia ‘Oketopa 2003, sa fa’atulagaina e le World Rugby ‘au uma o le lalolagi, o le 80% o le taimi e tulaga muamua ai le All Blacks. Mai le 2009 ia Tēsema 2018, sa ‘ūmia ai e le All Blacks le tulaga muamua e tusa ma le fa’atulagaina e le World Rugby.

E fitu tausaga soso’o, sa maua ai e le ‘au le fa’ailoga a le World Rugby mo le ‘Au Ta’a’alo o le Tausaga mai le 2010-2016.

Mo nisi fa’amāumauga au’ili’ili ’o’omi i’inei

Current Squad