Teams

O ‘au, Fa‘amatalaga o tagata ta’a’alo, Tala Fou ma Ata

Black Ferns Ta’ioto’afitu

About the team

O le ‘au ta’ito’afitu a tama’ita’i o Niu Sila, o se ‘au mālosi ma le ta’uta’ua i le Ta’amilosaga a Ta’ito’afitu a Tama’ita’i o le Lalolagi. Ua fa’alima ona manumālō le Ipu o le Ta’amilosaga, talu ona ‘āmata i le 2012.

I le tausaga 2014/2015, sa manumālō i le ta’amilosaga sa fai i Brazil, USA, Dubai, ma Kānata, ‘ae tūtolu i Lonetona, ma tūlaga lima i Amsterdam. E uma ifo le ta’amilosaga, e 12 ‘ai e mamao ai le mālō o Black Ferns Sevens ma le isi ‘au na soso’o ane iai, o Kānata, ma maua ai le avanoa e ō sa’o ai i Ta’aloga o le Olemipeka i Rio De Janiero i le 2016. O le taimi muamua lea ua fai ai le ta’ito’afitu i ta’aloga sili ona maualuga o le lalolagi.

E fa’alima ona manumālō le Black Ferns Sevens i le Ta’amailosaga o le Lalolagi a le Ta’ito’afitu – 2012/13, 2013/14, 2014/15, 2016/17 ma le 2018/19.

O le ‘au lenei o lo’o ‘ūmia le ipu o le Siamupini o le Lalolagi mo le Ta’ito’afitu ina ua manumālō i le 2013 ma le 2018.