Teams

O ‘au, Fa‘amatalaga o tagata ta’a’alo, Tala Fou ma Ata

Heartland XV

About the team

O le Heartland XV a Niu Sila, sa fa’aigoa muamua, le Divisional XV. Sa faatū i le 1988 mo ē ta’a’alo i le Division Lua ma le Tolu i le ta’amilosaga o le Air New Zealand NPC, e ono mafai ona si’itia i se tulaga maualuga le lātou tāleni fa’alakapī. I le 2006, na sui ai le igoa o le taʻamilosaga o le Air New Zealand, Division Lua ma le Tolu, i le Heartland Championship, e faʻaopopo atili ai avanoa mo ē ta'aʻalo e fili ai mo ‘au a le atunu’u. O le ‘aufili muamua o le Heartland XV a Niu Sila, sa fai le malaga ta’amilo i motu o le Pasifika i le 2005, ma sa ono ta’aloga sa fai (ma manumālō ai), sa ta’a’alo ai ma Toga, fa’apea ma Fiti. Talu mai lenā tausaga, sa toe alu le malaga ta’amilo i Argentina i le 2006 ma USA i le 2008, sa manumālō ai i le ‘au a le Pacific Coast Grizzlies ma le ‘aufili a Amerika, e igoa o le USA Select XV.

O le ‘aufili lava lea sa ‘āmata muamua ai nisi o tama ta’a’alo o le All Blacks, e pei o Carlos Spencer ma Justin Marshall. O isi fo’i sa mua’i ta’a’alo mo le Heartland XV, a o le’i ta’a’alo mo isi ‘aufili o Niu Sila, e a’afia ai Jeff Wilson, Todd Blackadder, Norm Hewitt, Simon Culhane ma Matthew Cooper.