Teams

O ‘au, Fa‘amatalaga o tagata ta’a’alo, Tala Fou ma Ata

Māori All Blacks

About the team

O le Māori All Blacks o se ‘au o tagatānu’u e fa’ailoa ai le aganu’u a Niu Sila. I le 1888, sa fa’atū le ulua’i ‘aufili lakapī o le atunu’u ma fa’aigoa ai i le New Zealand Natives. I le lātou ta’aloga muamua ma Hawke’s Bay i le aso 23 o Iuni, sa mālō ai le Natives 5-0. I le tausaga lava lea, sa fai ai le ulua’i ta’aloga faavāomālō (test match), ma fa’amāumauina ai le lātou ulua’i manumālō faavāomālo, i le 13-4, ina ua to’ilalo Aialani, i Dublin.

O le ulua’i ‘au ua lātou ‘ofuina le ‘ofuta’alo lanu uliuli lauiloa; sa mua’i faapea, o le ‘au na o tagata Māori e filifilia, ‘ae sa i’u ina fa’aopoopo ane i le ‘au ni tama se to’alima e lē Māori.

E tele ‘au fa’avāomālō ua lātou fa’ato’ilaloina, e a’afia ai le ‘aufili a le British and Irish Lions, Egelani, ma Aialani. A o le taimi mulimuli na lātou faia’ina ai i se ‘au mai atumotu o le Pasifika, o le 1973, i le ‘au a Toga (Tonga).

I le ‘amataga o le filifilia o le ‘au, sa lē fa’amālosia le pulega i le itū e tatau ona iai se pito Māori a tama e fia ta’alo i le ‘aufili lea, a o le taimi nei, ua fa’amālosia le gafa fa’a-Māori mo ē ua fia tōfia mo le ‘au.

I le 2018, sa malaga le ‘au i se malaga ta’amilo i Amerika i Saute. O se taimi muamua lava lea, ma sa lātou ta’a’alo ai ma le ‘au a Brazil ma Chile.